澳大利亚首都堪培拉(西遊記|5 澳大利亚首都印象——堪培拉)

澳大利亚首都堪培拉

澳大利亚首都印象——堪培拉

西遊記|5堪培拉 来自吴语学堂 00:00 04:31

没有能从中国直达首都堪培拉个飞机是件匪夷所思个事。从悉尼出发,坐了四个钟头个长途大巴穿过连绵不绝个原野,我终于抵达了箇座静谧而低调个城市。
堪培拉本来就是在悉尼同仔墨尔本个首都之争下产生个新城市,有人弄白相讲,住在堪培拉个除了政府官员就只有大学师生了。
一开始,来自美国个建筑师伯利·格里芬一手规划了箇座城市,而城市中心个人工湖也以他个名字命名。湖面散落着粼粼波光,偶有几只黑天鹅投下优雅个倩影。
▲伯利·格里芬湖
历史与未来的碰撞
湖个两岸,战争纪念馆同国会大厦遥遥相对。一个巍峨沉重,一个庄严肃穆,一个代表了过去,一个象征着未来。
堪培拉有新旧两座国会大厦,旧国会大厦已经变成陈列馆,而新国会大厦依旧担负着神圣个政治使命。无论是在平时辰光还是举行国会个辰光,新国会大厦都是可以免费参观个,你甚至可以走进会场,旁观议员们个热烈讨论。
▲新国会大厦

弗巧个是,我朆碰上开会时间,只好坐了观众席,遥想澳大利亚议会制君主立宪制个盛况。早期个澳洲移民皆是远洋而来个英国流放犯,其后个淘金热同仔苏格兰大饥荒又带来了一大批移民,他家共同在箇片土地上开垦探索,成为现代澳洲人个祖先。特殊个历史因素使得澳大利亚与英国密不可分,作为英联邦国家,英国女王也始终是澳大利亚个名誉元首,由此产生了这个国家个议会制君主立宪制。每当众议院开会时,一柄金色权杖会被安置在会场中心,象征了女王至高无上个权力。

▲众议院

同国会大厦隔湖相望个澳大利亚战争纪念馆是为纪念二战澳大利亚阵亡个战士而修建。

▲战争纪念馆

一层是三大主展厅:第二次世界大战展厅;布莱德拜瑞战机展厅以及澳纽军团展厅。由于英语知识个欠缺以及对澳洲历史个生疏,留在我记忆中个只有展柜里一件件冰冷个武器同仔泛黄陈旧个照片,可当我进入多功能放映厅,战争个一幕幕同仔殒身战士个肖像从眼前闪过,耳畔响起凄婉悠扬个歌声唱着“嵚娘拿儿子送上战场……”时,不禁潸然泪下。
纪念馆二层个回廊墙壁上,刻满了牺牲战士个名字,箇无数个陌生名字个背后都有一段弗为人晓则个故事,可惜随着辰光个流逝,他家永远成了秘密。有稚嫩个童声一遍遍朗读仔搿名字,声音回荡在空旷个长廊上,像是从遥远个历史深处飘来,直击心灵。
走出纪念馆,被一块石雕吸引,石雕齾了一块,刻着几个字:Lest we forget,防止我笃忘记。忘记战争个惨绝人寰,忘记先烈个浴血奋战,忘记民族个生死存亡。每个国家都会有属于自己个一段战争记忆,光辉也好,惨痛也好,绝对弗好被忘记。

▲石雕

当莫奈遇上波洛克

来堪培拉顶大个一件事体,就是欣赏莫奈个睡莲真迹。莫奈生前所画弗得了个睡莲,分布在世界各地,澳大利亚国立美术馆个箇幅其实是他个半成品。莫奈箇一印象派大师大名鼎鼎,在此就弗多讲咧。而欣赏大师作品个最好方法,大概就是坐在作品前安静个体会。

▲莫奈的《睡莲》

临走个辰光,着末发现了馆内另一大作品——美国艺术家杰克逊·波洛克个《蓝棒》。波洛克是抽象表现主义个先驱,他创造了在帆布上肆意泼溅颜料、洒出流线个技法。他个画作中没重点满幅展开个特色,其实在莫奈个《睡莲》里头也老早看到。
《蓝棒》个颜色非常丰富,基本上面临“色彩爆炸”个失控状态,波洛克将木棒涂上青色颜料,然后压在朆干个画布上,形成了八条斜纹。箇名字就是箇样来个。
当年,国立美术馆顶着巨大个压力花重金买下箇幅可谓是整个美术馆顶贵个画。2006年,波洛克个《1948年作品第五号》卖出了1.4亿美金个天价,蛮好证明当时辰光个决定非常正确。

▲波洛克的《蓝棒》(blue poles)

博物馆趣闻

澳大利亚国家博物馆在格里芬湖湖心岛上头。我去个辰光正好是阴天,但是魅力弗减。
博物馆里头详尽介绍了澳大利亚个风土人情同仔历史文化。晓得你笃欢喜看图片,就直接上图片咧。
▲考拉等动物的标本。注意右上角,是一整个考拉的头部

▲财迷眼中闪亮亮的银器。银制托盘和烛台,工艺精湛

▲博物馆的地标“大风车”,贯穿了两层楼

▲因淘金潮而进入澳洲的早期中国移民的服饰、瓷器

但我要讲个是我在里头参观个辰光发生个,一件同吴语有关个事体。在土著文化展馆里头,一位讲解员阿哥热情哥同我介绍土著文化。澳洲土著个种类特别多,语言也千差万别,当他谈到土著语言面临消亡个辰光,我一下子想到了我笃个吴语,随即用蹩脚个英语兴奋个同他介绍起来。
他讲澳大利亚政府创办了土著学堂让土著学自家个语言,我只好无办法个表示,在我笃个学堂,学生一定只好讲普通话。箇末他又奇怪问我是如何学会吴语个,我讲是家里头人教个。但是在吴语区,弗是所有家长都愿意让小佬学吴语。因为本人蹩脚个英语水平,我朆会听懂他认真个回答,但是我晓得他一定了解到吴语个存在咧。
顶后来一张土著馆外头个照片,纪念箇一段奇妙个经历。

▲土著馆外

朗讀:宜興|良伊
排版:神死慟瞑

往期閱讀:
西遊記|1 愛丁堡(Edinburgh)
西遊記|2薩拉曼卡(Salamanca)宜兴话
西遊記|3 莫斯科(Москва)博望話
西遊記4|阿根廷Argentina(上海话)
西遊記|6 孟買印象記

澳大利亚首都堪培拉相关文章

版权声明:本文内容由互联网用户自发贡献,该文观点仅代表作者本人。本站仅提供信息存储空间服务,不拥有所有权,不承担相关法律责任。如发现本站有涉嫌抄袭侵权/违法违规的内容, 请发送邮件至 [email protected] 举报,一经查实,本站将立刻删除。:高考志愿网 » 澳大利亚首都堪培拉(西遊記|5 澳大利亚首都印象——堪培拉)

赞 (0)